Plantun de Prouvènço

Pèr coumpara dos planto d'encò nostre

Galium divaricatum & Erodium cicutarium subsp. bipinnatum

Galium divaricatum

Rubiaceae

Nom en français : Gaillet divariqué.

Descripcioun :
Aquesto reboulo, trachis dins li tepiero seco de roucaio e de colo. Se tèn bèn dre emé de tijo proun ramificado sus li coustat. Li fueio an de formo en lanço, bourdado de pichòti dènt que rintron en dedins e s'acabon emé un benc de mai de 0,1 mm. Se destrìo de Galium parisiense que li pecou coumun dis enflourejado soun mai de tres fes pu long que li pecou di flour, raprouchado en pincèu e que pendoulon quouro la planto es en fru. Coumpara emé la reboulo-de-Paris que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : verticilado
Tipe bioulougico : Teroufite
Cicle bioulougico : Planto de l'an

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printèms

Sòu : Si
Autour basso e auto : Pancaro entresigna
Aparado : Noun

Liò : Tepiero seco - Roucaio - Colo - Terraire safrous
Estànci : Termoumediterran à Coulinen
Couroulougi : Pancaro entresigna
Ref. sc. : Galium divaricatum Pourr. ex Lam., 1788 (= Galium parisiense subsp. divaricatum (Pourr. ex Lam.) Rouy, 1903 )

Aguïeto(-peludo)

Erodium cicutarium subsp. bipinnatum

Geraniaceae

Àutri noum : Aguïo, Aguïoun.

Nom en français : Bec-de-grue poilu.

Descripcioun :
Aquesto raro aguïeto trachis dins li mountiho de sablo proche la mar. Se destrìo de sa cousino di proun coumuno que trachis dins lis ermas, bonodi si fueio descoupado e peludo e soun fru mai courtet e sènso rego. Coumpara emé l'aguïeto pèr pas s'engana.

Usanço :
L'aguïeto èi manjadisso, soun goust ramento aquéu dóu juvert, un pau mai cousènt. Se dis qu'èi vertuouso contro li proublèmo de circulacioun dóu sang.